ရှမ်းပြည်နယ်တောင်ပိုင်း ဓနုကိုယ်ပိုင်အုပ်ချုပ်ခွင့်ရဒေသ ရွာငံမြို့ တောကျယ်ကျေးရွာအတွင်းရှိ လိမ္မော်သီးစားသုံးသည့် ထူးဆန်းသော ငါးများရှိရာ မြသပိတ်ရေပြာအိုင်နှင့် တောကျယ်ရေတံခွန်သို့ ယခုနှစ်ဆန်းပိုင်းတွင် လာရောက်လေ့လာကြည့်ရှုကြသည့် ပြည်တွင်း၊ ပြည်ပခရီးသွားများ ပိုမိုများပြားလာကြောင်း ဒေသခံတိုင်းရင်းသားများက ပြောကြားသည်။
ထို့ပြင် အဆိုပါရွာငံဒေသ တောကျယ်ကျေးရွာအနီးရှိ အပြာရောင်သမ်းနေသည့် မြသပိတ်ရေပြာအိုင်သို့ သွား ရောက်ကာ လိမ္မော်သီးများကို နှစ်သက်စွာ စားသုံးသည့် အမျိုးအမည်မသိသေးသော ထူးဆန်းသည့် ငါးများကို လိမ္မော်သီးများကျွေး၍ လေ့လာကြည့်ရှုနိုင်ပါသည်။
ရေပြာအိုင်အနောက်ဘက်ရှိ ချောက်ကမ်းပါးယံတွင် စီးဆင်းနေသော တောကျယ်ရေတံခွန်အောက်ခြေရှိ ရေကန်ငယ်အတွင်း ရေကစားခြင်းနှင့် အလှဓာတ်ပုံရိုက် ကူး ခြင်းများပြုလုပ်လို့ရပါသည်။
No comments:
Post a Comment